Categories
Softwares Technology

Viberවලට සිංහල Stickers ඇවිත්

පසුගිය දවස්වල අහම්බෙන් රේඩියෝ එකෙන් අහන්න ලැබුණා අමුතු ජාතියෙ වෙළඳ දැන්වීමක්. සාමාන්‍යයෙන් අපිට අහන්න ලැබෙන්නෙ එක එක සබන් වර්ග, ජ්‍යෝතිෂ්‍ය අනංමනං, බිස්කට් වගේ දේවල් ගැන නෙ. හැබැයි එක දවසක් මෙන්න චැට් ඇප් එකක ඇඩ් එකක් යනවා. කොනිත්තගෙන බලන්න හිතුණා මේ වෙන සමාන්තර ග්‍රහලෝකයකටවත් ගිහින් ද කියලා. කොහොමහරි ඒකෙ කියන විධියට වයිබර් ඇප් එකට සිංහලෙන් ස්ටිකර්ස් තියෙනවාලු.

වයිබර් නම් වැඩිය මගේ පාවිච්චියක් නැහැ, ෆෝන් එකේ බොරුවට තියාගෙන ඉන්න එකෙන් ඉඩත් යනවා බැටරිත් බහිනවා නිසා අයින් කරලා තිබුණෙ. වට්ස්ඇප් ඉන්න එක මොකක් නැතත් පොෂ්නෙ. 😛  කොහොමවුණත් ආයෙ මට ‘ලංකාව’යි ‘සිංහල’යි කියන වචන දෙක ලාවට හරි ඇහුණොත් ඔන්න ඉන්න බැරි වෙනවා. ඒ හින්දා ආයෙ ම දාගත්තා මේ කතාව කියන තරම් ම සුන්දර ද කියලා දැනගන්න. ළඟදි ධර්ම සාකච්ඡා කෙරෙන වයිබර් ගෘප් එකකට මාව ඇඩ් කරන්න අහද්දිත් මම බෑ කිව්වා ආයෙ මේක දාගන්න. ඒත් කුතුහලේ සේරට ම වඩා ලොකුයි නෙ.

Advertisement

බැලින්නම් මේ ටික එකෙන් ම ඇපත් නෑ! මෙච්චර කල් අමු ඉංග්‍රීසියෙන් යැව්ව ඒවාට වඩා මේවායෙ කික් එකක් තියෙනවා.  මොකද කතා කරන්න ගියාම කියාගන්න දෙයක් නැත්නම් LOL කියලා දාලා කම්මැලි කමට ශේප් වෙනවා වගේ මේ ස්ටිකර් හින්දාත් ශේප් එකේ ගොඩයන්න පුළුවන්. මොකද සුද්ද සිංහල නිසා යන කතාවට හොඳ ගැලපිලා යනවානෙ. අනෙක ටයිප් කරන්න අමාරු බස් එකේ වගේ යන වෙලාවක වුණත් ටිං ගාලා මෙයින් එකක් යවන්නත් පුළුවන්. ඒ හින්දා වට්ස්ඇප්වලට වඩා මේකෙ ඒ පහසුකම නම් තියෙනවා.

2010දි ඇපල් දුරකථන සඳහා වයිබර් ඇප් එක නිකුත් කළේ skype එක්ක තරග කරන්න යි. හැබැයි මෙතන මොකක් හරි රහසක් තියෙනවා. ඇපල් වලට ඇප් එකක් එන එක සෝමාලියාවට පාන් දානවා වගේ කිව්වට මොකද ගිය මාසෙ ආපු Prisma, ඊට කලින් ආපු WhatsApp වුණත් අයිෆෝන්වලට ආවාට පස්සෙ තමයි ඇන්ඩ්‍රොයිඩ්වලට ආවෙ. ඒ හැම එකක් ම කරට කර ප්‍රසිද්ධයි. සමහරවිට ඇපල් භාවිතා කරන අය අළුත් එක එයාලාට විතරක් තියෙන නිසා නිතැතින් ම ප්‍රසිද්ධියක් අරගෙන දෙනවා ද කියන්න මම . හැබැයි ඔබ මොනා හරි ඇප් එකක් ලිව්වොත් මේ උපක්‍රමේත් අත්හදා බලන්න. මම කියනවාට 😀

ස්ටිකර් එකතුවෙත් නානාවිධ ප්‍රවර්ග තියෙන නිසා විවිධ අවස්ථාවලට/සංවාදවලට සහ පුද්ගලයන්ට ගැලපෙන විධියට දැනට මේ තියෙන ටිකත් හොඳට ම ඇති. ඔය කපල් වෙච්ච උන්ට නම් කියාපු සෙට් එකක් ‘ඔයයි මමයි’ කියලා තියෙනවා. හැබැයි ඉතින් ඕවට මම නෑ. ඒ ස්ටිකර් ටික වයිබර් එකෙන් හොයාගන්න අමාරු නම් මෙතනට ගිහින් එහි තිබෙන QR code එක scan කරලා ගන්න.

තව පපියා කියලා ෂෝයි බව්වෙක් ඉන්න ස්ටිකර් සෙට් එකකුයි, කිටී බෝලෙ කියලා පූසෙක්  ඉන්න එකකුයි තියෙනවා.

හැබැයි ඉතින් කොහොමවත් ම මේ අලි පැටියාට කියන්නත් අමතක කරන්න එපා. එයාගෙ නම තමයි ඩම්පි.

ඒ විතරක්යැ, ඔන්න දැන් කවුරුහරි ඇහුවොත්   කියලා, දෙපාරක් නොහිතා කියන්නත් පුළුවන්.

වයිබර්වලට හරි මෙහෙම සිංහල යාන්තම් හරි ගෑවුණු එක ලොකු දෙයක්. මොකද දැන් අනිත් යෙදුම් හදන මෘදුකාංග සංවර්ධකයින්නුත් ලංකාවට, සිංහල භාෂාවට එයාලගෙ පහසුකම් ලබාදෙන්නට උත්සාහ කරනවා. මුලින් ම උබුන්ටු වගේ Linux OS වලට සිංහල තිබුණු නිසා Windowsනුත් සිංහල දුන්නා. ඊට පස්සෙ සැම්සුන්ග් එකෙන් සිංහල භාෂාව ඇන්ඩ්‍රොයිඩ්වලට ගෙනාවා. ඉතින් මේ විධියට ඉංග්‍රීසි නොදන්නා අයව පැත්තකට කරනවා වෙනුවට අපේ රටේ හැම කෙනෙක්ට ම තාක්‍ෂණයට පිවිසෙන්නට අවස්ථාව සලසන එක හැම ලාංකේය මෘදුකාංග සංවර්ධකයෙක්ගේ ම වගකීමක්.

හෝව් හෝව්! මෙන්න මෙයා ස්ට්කර් දාගෙන, ආතල් එකේ ලිපියකුත් කියවගෙන යන්න හදනවා! හා එහෙම  හරිද? ශේප් එකේ comment එකකුත් කොටාගෙන යන්ඩ ඈ.

One reply on “Viberවලට සිංහල Stickers ඇවිත්”

Leave a Reply

Your email address will not be published. Required fields are marked *

You cannot copy content of this page