Category: Songs

දෙනුවන් රැහැන් බැඳ
සිසිරයේ සිසිල බින්දා
කිසිවෙකුවත් නොපැතූ සිත මා
සොරකම් කළ රුවැත්තී

සඳ එළියෙ පිපුණු සුවඳ මලී
සමනල් නැහැ නුඹ දුටුවේ
කැන්දන් එමි දෝලාවෙන්
කණාමැදිරි පාර දිගේ

නිස්සාර සිහිනය කතරේ
සඳ කැල්මන් මත පිබිදේ
තරු රේඛා අතරෙ රැඳී
හුස්මක සිරවී ගොළුවී

නිසල දිය මත විල් තෙරේ
ඔබේ සිනා මල් කැන් පිපුණා
ඒ මල් යහනේ දෙව්ලිය වඩිනා
හද විල දිය රැලි නෙක නැගුණා

දෝතට ගත් දිය මල් පෙති අතරේ
කඳුළක රස මා නැහැ දුටුවේ

සුවහස් කලක් කෙතරම් හොඳ කළත්
එක මොහොතකින් ඒ මැකී යන්නේ
කිමද මේ මිනිසුනේ
කළගුණ ද ගිලිහී ගියේ

පුතේ නුඹ දැනගන්
කළ හොඳ ම පමණක් ඉතිරිවේ
සති දෙකක මතකයේ
නොමිනිස්කම හද රැඳේ

දුවේ නුඹ රැකගන්
සිල් බිඳුණු දා කිසිවෙක් නෑ ලොවේ
දිවි ගමන යහගුණේ
මෙතින් මෙත සංසිඳේ

නුඹ දුරින් හිඳිනු ඇයි
අත පොවනු බැරි මහ අහස් කුස සඳ සේ
දුහුල් වළා අතර සැඟවී මදෙස
හොරෙන් බලා රහසේ

අහසේ සොමිවත බැබලී
අඳුරේ මා තනිකෙරුවා
කළු වළා පෙළ ඉගිලුණා
දෑසින් මහ වැසි ඇදහැලුණා

තවමත් මතකයි එදා
බැඳුණු හැටි නෙතු අතරේ
සිහිනෙන් වුවත්
ඔබමයි මා සිත් දැහැනේ

නිතර ඇහෙන සින්දුවල පද පේලි අතරේ හැංගුණු රහස් ඕනෑතරම් තිබෙනවා. ඒවා ටිකක් කල්පනා කරලා බිඳලා ගත්තා ම පිස්සු හැදෙන ලොජික් තමයි ඒවයි තියෙන්නේ. මේ ඒ වගේ අන්ධභූත කථා තියෙන සහ කථා හදන්නට පුළුවන් පරණ සින්දු ටිකක්.