Categories
Songs

සසර නොපතා පෙරුම් දම් [Lyrics]

සසර නොපතා පෙරුම් දම්
දැහැනක අයාල ගමනේ
හමුවූවා ඔබෙ ගුණවත් මල්දම් සිහිනයකි මට මෙලොවේ
කිමිදෙමි විඳිමින් නිදහසේ ඔබ මට මැවු ඒ ආදර ගඟුලේ

උල්පත මහ ගංගාවක ඇරඹුම
සත් මුහුදක් වී කෙළවර කරනා
පතනෙම් සෙනෙහස නුරා කුමකට
නව මන දිවි ගමනක් තනනා

කැකුළකි බිඟුවන් මන පිනවාලන
සත්සිය දහසක මල් ගොතනා
මිලිනව යන රුව කුමකටද මට
ගුණ මිස නුඹ සුවඳින් පිනනා

මා රචිත මෙම ගීතය ඔබ නිර්මාණයකට යොදා ගන්නට කැමති නම් නොමිලේ රිසිසේ කතෘ අයිතිය සහිතව භාවිතා කරන්න.

 

මේකෙ තේරුම මෙහෙමයි:
හැමෝම කියන්නේ ආදරය කියන්නේ සංසාරගත දෙයක් කියලානෙ. ඒත් සංසාරගත වෙන්න නම් ඒක පටන් ගන්න ඕන එක තැනකින්. මේකෙ කියැවෙන්නේ එවන් ආරම්භයක් ගැන. ඒවගේ ම පෙනුමට නොව, ගුණවලට පෙම් බැඳීමෙන් පටන් ගත්ත ප්‍රේමයක් ගැන.

By Thambaru Wijesekara

Leave a Comment

This site uses Akismet to reduce spam. Learn how your comment data is processed.